Bi üs giits für jeda Tisch a schös und günschtigs Porzellan und prächtige Gläser. Pfanna und Häfa mit passanda Deckl vo öschterrichischa Härschteller. Alle Sorta vo Kuchigschiar und viilerlei Schüssile zum Rüahra und Mixa. Verschidene Bügsle und Dösle zum ds Züüg verruma sen o zum Ho. Neuzitligs us Bambus und Mais zum d’Wohnig verschönera kriagander o. Riblschtörer, Brootaschuufla und allerlei Schaber sen uf Lager. Und Schöpfkella, Erdöpflscheller, Kuachaplatta, Tortaschufla, Siible, Stöpslzüher, Dosaöffner und Untersetzerle wartan uf eu. Alle mögliga Sorta vo Bäsa und Kehr- schufla, robuschte Hand- und Stiilbürschta, große und kline Putzkübl und Lumpa, für alle Arbata, wo im Hushalt afallan, hon miar für Kund- schafta bsorgt. Flaschaputzer und Pfannaribler, Fruusa und Drohtwaschl brucht ma allbot. Miar hons! Fürs schtobige Hääs a handlige, guate Kleiderbürschta und viilerlei Fläscha und Gschiarer zum Räxa und Isüüda erwartet eu. I kam Hushalt söttan schtarke Kleiderhöka zum Tschöpa ufhenka oder söttige, zum ad Wand nagla, fähla. Wöschständr und Klubba und wenn nötig, a starks Wöschseil und dazu a stabils Wöschkörble und a gschickts Böglbrätt. Des macht jeda Waschtag liichter. Für dia, wo a kliis bits ds klii sen, verkofan miar Schtägle mit a paar Tritt und fürs Bad, giits allerhand Kliikrom.